Марий Элыште илен лекташ ситыше эн изи окса кугыт шагалемын
Марий Элыште илен лекташ ситыше эн изи окса кугыт шагалемын. Тенийсе кумшо кварталлан ик еҥлан шотлымаште илен лекташ ситыше оксан кугытшо иземын да 9 тӱжемат 708 теҥге лийын. Пашам ыштыше еҥлан тиде окса кугытым 10 тӱжемат 308 теҥгем палемдыме, пенсионер- влаклан- 7 тӱжемат 911 теҥгем, йоча- влаклан- 9 тӱжемат 843 теҥгем. Илен лекташ ситыше эн изи окса кугыт икымше да кокымшо кварталыште вашталт шоген, кугемын да иземын: 9 тӱжемат 800 да 9 тӱжемат 500 теҥге лийын. Пыштартыш гана тиде окса кугыт кодшо ийын нылымше кварталыште иземын ыле- 8 тӱжемат 800 теҥге лийын.