Йошкар-Олан бюджетше ешартыш парышым налшаш

Йошкар-Ола администрацийын финанс виктемжын увертарымыж почеш, тений налог окса план деч шукырак пурышаш. Тыгеже ола бюджетын парыш ужашыже вич миллион теҥгелан шукырак лиеш. Тыгак конкурс процедура – влакым эртарыме годым погынышо да кучылтдымо бюджет ассигнованийым, ешартыш парышым Йошкар-Оласе троллейбус транспорт предпрятийлан полшаш, Воин Чап мемориалым тӱзландараш, уремым волгалтарыме системым кучаш, энергеийым аныклыше лампым налаш кучылташ темлалтеш. Тыгай уверым мэрийын финанс виктемжым вуйлатыше Юлия Торощина оласе погынымашын тӱҥ комитетлажын заседанийыштыже каласен. Сандене олан тенийсе да 20-21-ше ийласе бюджетышкыже вашталтышым пурташ темлыме.