Звенигово олаште изи спорт площадкым торжественно почмо
«Спорт- илышын нормыжо» федерал проектым илышыш шыҥдарыме кышкарыште Звенигово олаште изи спорт площадкым торжественно почмо. Тений идалык мучаш марте тыгай площадке- влак Курык марий, Юрино, Килемар, У Торъял, Параньга районлаште почылтшаш улыт. Тидыже калыкым таза илыш йӱла деке кумылаҥдышаш, спортсмен- влакын ямдылалтме качествыштым нӧлталшаш, самырык тукымым да ялысе калыкым физкультура да спорт деке шӱмаҥдаш полшышаш, спорт дене пеҥгыде кылым кучышо- влакым ешараш полшышаш.
