«Йӱд орол» спектакль «Шӧртньӧ маске» премийлан темлалтеш

Марий Эл гыч театр икымше гана «Шӧртньӧ маске» Российысе калыкле театр премийлан темлыме спискыш пурталтын. Республикысе курчак театрын «Йӱд орол» спектакльже премийлан кум номинаций дене темлалтеш. Тиде- «Курчак театрыште эн сай спектакль», Режиссёрын эн сай пашаже» (Алексей Ямаев) да «Сӱретчын эн сай пашаже» (Сергей Таныгин). Эксперт совет- влак 2018-ше ий 1-ше август гыч лукмо премьера- влак гыч номинант- влакым ойыреныт. Нуно чылаже театрлаште да видео гыч 215 ола гыч 722 спектакльым ончен лектыныт. Эн сайжым ойырен налын, номинант- влакын спискыштым ыштеныт. «Йӱд орол» спектакльым эксперт- влак тений январьыште да сентябрьыште онченыт. Шушаш ийын шошым «Шӧртньӧ маска» фестиваль эрта. Тушто номинант- влак шке спектакльыштым Москошто фестивальын жюриже ончылно ончыктат.