Йошкар-Олаште уремлам лум деч эрыкташ икымше технике- влак лектыныт
Йошкар-Олаште уремлам лум деч эрыкташ икымше технике- влак лектыныт. Теҥгече кечывалым 12 единице технике, йӱдым 16 технике пашам ыштен. Нунын коклаште трактор, ошмам шавыше технике, автогрейдер да погрузчик- влак улыт. Ола администрацийын увертарымыж почеш, тротуар, площадь, кӱвар, остановкыла деке пурымо корно- влакым эрыктат. Тиде кечылаштат лум лумын кертеш. Сандене водитель- влаклан корнышто тӱткӧ лияш темлат.
