Волжск оласе рӱдӧ эмлыме верын йоча пӧлкажын леведышыже пеҥгыде лиеш
Волжск оласе рӱдӧ эмлыме вер йӱштӧ жаплан ямдылалтме сомылым шошымак тӱналын ыле. Кызыт йоча пӧлкан леведышыжым капитально олмыктымо паша мучашыш лишемеш. Кеҥеж мучко специалист- влак медицина тӧнежын 20 наре подразделенийыштыже шокшо вӱдым пуышо да ырыктыше системым мушкын, опрессоватлен шуктеныт, теплосетьым кугу куат дене тергеныт, 20 теплоузелым ачаленыт. Манометрым, задвижкым вашталтеныт, пӧрт йымалне пучын изоляцийжым вашталтеныт, радиаторым, сантехприборым уэмденыт. Вашке леведышым олмыктен пытарат. Тудлан миллион утла теҥге окса каен.