Шушаш ийын оласе могай кумдыкым тӧрлат?

Йошкар-Ола администрацийын пӧртыштыжӧ шушаш ийын тӱшка кундем- влакым олмыктымо шотышто калыкын темлымашыже- влакым Общественный комиссий ончен лектын. Ушештарена: каҥашымаш да темлымаш 2-шо гыч 31-ше октябрь марте эртен. Ятыр темлымашыже тротуарлам олмыктымаш дене кылдалтын. Шукыжым 30-40 ий ончычак ыштыме улыт да шукертсек олмыктымашым вучат. Оласе тротуарын тӱшка кужытшо 270 меҥгыш погына. Но корно фондын чыла шийвундыжо корным олмыктымашке кая. Окса ситыдымалн кӧра, йолгорнын иктаж 10 меҥге кужытшо гына олмыкталтеш. Пурышо темлымаш- влак почеш 61 тӱшка верын спискыжым ыштыме. Нунын верч кажныжлан 100 деч шагал огыл йӱк пурен. Кажныжым комиссий посна ончен лектын. Южо темлымашым кораҥдыме. Молан манаш гын, нуно муниципал программе дене келшен огыт тол. Мутлан, частный кундемыште верланеныт, але тротуарлан огыт шотлалт, южыжо чоҥымаш дене кылдалтыныт. Сандене программын условийже дене келшен огыт тол. Ыштыме перечень почеш рейтинг йӱклымаш эрта. Но кызытак каласаш лиеш: йӱклымашке Юрий Свирин лӱмеш сквер, Йыван Кырля, Киров, Красноармейский, Добролюбов, Сталинград кредалмашын геройжо- влак, Тыныслык, Карл Либкнехт да моло уремласе тротуар- влак пурат.