Республикысе могай предприятий- влак чаплын тӱзландарыме улыт?

Республикыштына «Образцово кучымо предприятий» смотр-конкурсышто сеҥыше- влак рашемыныт. Тудым 15-ше май гыч 15-ше сентябрь марте промышленность, экономически вияҥмаш да торговля министерстве эртарен. Конкурсышто промышленный предприятий да организаций- влак участвоватленыт. Призан вер- влакым пуымо шотышто пунчалым республикысе комиссий луктын. 500 еҥ утла ыштыман предприятий-влак коклаште сеҥышыш Козьмодемьянск ола гыч «Копир» завод лектын. Кокымшо верыште- Йошкар-Оласе икымше номеран ТЭЦ, кумышышто- Йошкар-Оласе «Водоканал» улыт. 500 еҥ деч шагал ыштыман предприятий- влак коклаште икымше верым Медведевысе «Водоканал» налын. Кокымшыш Йошкар-Оласе «Сувенир» фирма лектын. Нуно Марий Эл Правительствын «Образцово кучымо предприятий» дипломжым налыт.