Начар тазалыкан йоча-влакын усталыкыштым ончыктышо «Гусельки» инклюзивный фестиваль лиеш
Марий Элыште йоча усталыкым ончыктышо «Гусельки» республике кӱкшытан кокымшо инклюзивный фестиваль лиеш. Тудо инвалид йоча- влаклан усталыкыштым вияҥдаш йӧным ышташ, нунын шотышто калыкын шонымашыжым поро велыш савыраш, нуным социал илышыш ушаш манын эртаралтеш. Фестивальыш 5 гыч 17 ияш марте усталык паша дене кылдалтше инвалид йоча да коллектив- влак ушнен кертыт. 13-шо гыч 21-ше ноябрь марте ойырен налме тур лиеш, а 30-шо ноябрьыште Россий Армийын тӱвыра полатыштыже кугу Гала-концерт эртышаш.