«Интеллектуал» тӱвыра да увер рӱдер Российысе конкурсышто сеҥышыш лектын
Россий Федерацийын Общественный палатыштыже «Этно тӱвыра секторым ӱшанлын вияҥдымаш» Россий кӱкшытан конференций эртен. Тудо «ЭтНик» Российысе программын иктешлыше мероприятийже лийын. Тудым Российысе калык- влакын ассамблейышт ден калыкле кыл шотышто ресурс рӱдер эртарат. Конференцийыш Российысе 42 регион гыч тӱрлӧ этнотӱвыра ушемын 200 утла еҥже погынен. Марий Эл гыч «Интеллектуал» тӱвыра да увер рӱдерын ончылеҥже- влак Эльвира Куклина дене Анастасия Галиева миеныт. Нуным калыкле кыл шотышто эн сай пашалан Россий кӱкшытан кокымшо конкурсын сеҥышыжын дипломжо дене палемденыт. Тиде конкурсышто рӱдерын «СММ этноблогерын- калыле блогерын школжо» шинчымашым пуышто этнотурист проектше палемдалтын.