Студент- влакын кучедалме мастарлык дене регион кокласе форумышт почылтын
Йошкар-Олаште 14-ше ноябрь марте студент- влакын регион кокласе кучедалме мастарлык форумышт эрта. Тудым теҥгече торжественно почмо. Форум кучедалме мастарлык Россий кӱкшытан кокымшо студент модмаш кышкарыште эртаралтеш. Тыгак «Дружба» стадионын теннис кортыштыжо тиде жапыштак киокусин каратэ кучедалмаш дене республикын Чемпионат ден Первенствыже эртат. Форумыш Моско, Озаҥ, Екатеринбург гыч уна- влак толыныт. Таҥасымаш кышкарыште киокусинкай каратэ, айкидо, кендо, айкидо-ушу кучедалмаш- влак дене мастер-класс да семинар- влак лийыт.