Марий Турекыште хоккей дене таҥасеныт
Марий Турек посёлкысо Ий полатыште рвезе- влак коклаште хоккей дене турнир эртен. Тушко Марий Турекын, Йошкар-Олан, Татарстанысе Кукмор посёлкын командыже- влак толыныт. Модмашым иктешлымеке, сеҥыше- влак рашемыныт. Кумшо верыш Йошкар-Ола гыч «Спартак-2» команде лектын. «Спартак-1» команде кокымшо лийын, Кукмор гыч «Ягуар» икымше верым сеҥен налын. Эн сай нападающий семын Татарстан гыч Азат Галимуллиным шотлымо.