Россий МВД-н тӱҥ инспекторжо Йошкар-Олаште калыклан приёмым эртара
Россий МВД-н тӱҥ инспекторжо Игорь Золотов Йошкар-Олаште калыклан приёмым эртара. Россий МВД-н организационно- аналитик департаментшын тӱҥ инспекторжо, полицийын полковникше Игорь Золотов 20-шо ноябрьыште эл кӧргӧ паша орган дене кылдалтше йодыш- влаклан вашмутым пуа. Оласе калык МВД-н пашаж дене ушнен шогышо темлымаш, вуйшиймаш, йодмаш дене толын кертеш. Тудын деке 9 гыч 18 шагат марте МВД-н пӧртышкыжӧ мияш лиеш. Адресше: Комсомольский урем, 139-ше пӧрт. Ончылгоч 68-08-88 номеран телефон дене возалташ кӱлеш. Пелен документ лийшаш.