Калыкле драматургийын фестивальже лиеш

14-ше гыч 17-ше ноябрь марте Шкетан лӱмеш марий калыкле драма театрыште калыкле драматургийын фестивальже эрташ тӱналеш. Тиде Российысе финн-угор кундемла да моло элла гыч драматург- влак дене пырля, спектакльым ончыктыман кугу семинар лиеш. Фестивальын ик эн кугу пашажлан режиссёр Степан Пектеевын «Йыван Кырла. Путёвка в жизнь» эксперимент спектакльжын премьерыже шотлалтеш. Тудым 14-ше ноябрьыште 18 шагатлан ончыктат. 1994-ше ийыште тудо Йыван Кырла нерген биографий драме почеш «Ой, луй модеш» спектакльым шынден ыле. Тидыже умбакыже шуйымо семын лиеш. Драматург Александр Пудин  архив материалым тӱткын шымлен лектын да пьесым возен. А Степан Пектеев спектакль дене пашам ышташ тӱналын.