Эрла «Лӱдыкшыдымылык школ» толкынын кокымшо слётшо почылтеш

18-ше гыч 20-шо октябрь марте «Чодыра йомак» йоча тазалыкым пеҥгыдемдыме лагерь негызеш «Лӱдыкшыдымылык школ» Российысе йоча да самырык- влакын мер толкыныштын регионысо пӧлкажын кокымшо слётшо лиеш. Тудо тунемше- влакым шкеныштын да тӱшка калыкын лӱдыкшыдымылыкшым чын умылаш, вучыдымо ситуацийыште шкем кузе кучаш да мом ышташ, таза илыш йӱлам кучаш туныктышаш. 18-ше октябрьыште слёт 13 шагатлан почылтеш. Тушко кажне муниципал образований гыч команде- влакым ӱжмӧ. Чылаже 180 наре еҥ лийшаш. Нуно икымше медицина полышым, вучыдымо ситуаций годым полышым пуаш, палыдыме верыште коштын мошташ тунемыт. Тыгак тӱрлӧ конкурслаште участвоватлат.