Аракам темкален ужалыше вер- влак нерген увертараш «шокшо телефон линий» почылтеш

Марий Элысе ОНФ закондымын пашам ыштыше аракам темкален ужалыше вер- влак нерген уверым погаш «шокшо телефон линийым» почеш. Общероссийский калык фронтын чолга еҥже- влак правам аралыше орган дене пырля Йошкар-Оласе калык деч шуко пачеран илыме пӧртлан икымше пачашыштыже верланыше аракам темкалыше заведений- влак шотышто телефон йыҥгырым налаш тӱналыт. Акций закондымын ыштыше да калыкын ласкалыкшылан йӧндымылыкым лукшо тӧнеж- влак рашемдаш манын эртаралтеш. Тыгай йӱмӧ вер- влак нерген 45-51-70 номеран телефон дене увертараш але электрон почтыш возаш лиеш. Лӱмым ойлыде йыҥгыртымашым огыт нал. Шокшо линийын лектышыже почеш тергымаш эртаралтеш.