Йошкар-Ола гыч икымше тӱшка рвезым армий радамыш ужатыме
Теҥгече рӱдоласе Воин Чап мемориал воктене Йошкар-Ола гыч рвезе- влакым Россий Вооруженный вий радамыш торжественно ужатыме. Тиде гана салтак радамыш 13 еҥ каен. Мероприятийыште ола администрацийын, ветеран- влак ушемын, сарзе комиссариатын еҥышт, рвезе- влакын родо- тукымышт лийыныт. Воин служба –кажне самырык еҥын почётан порысшо. Тиде патриотизм шӱлыш, шочмо элым йӧратымаш, тудын дене кугешнымаш да тудым аралымаш. Тендан кочада да кугезе кочада семынак чапле воин лияш тыланем, - каласен олан мэржын сомылжым шуктышо Евгений Маслов. Торжественный церемонийыште кажне ончыкылык салтаклан кӱсен телефоным кучыктеныт. Тыге нуно лишыл еҥышт, родо-тукымышт дене эре кылым кучен кертыт. Эрла гыч икымше тӱшка рвезе- влакым салтак радамыш торжественно ужатат.
