Йошкар-Олаште Олык Ипай лӱмеш премийым налше артист- влаклан пӧлеклалтше ончер почылтын

Йошкар-Олаште Олык Ипай лӱмеш премийым налше театр пашаеҥ- влаклан пӧлеклалтше ончер почылтын. «Виват» выставке Йошкар-Олан историй тоштерыштыже теҥгече пашам ышташ тӱналын. Сылнымут, тӱвыра да сымыкытш аланыште ойыртемалтше- влакын Олык Ипай лӱмеш кугыжаныш молодёжный премийыштым 1968-ше ийыште пеҥгыдемдыме. Тудо жап годсек тиде  премий дене лӱмлӧ артист- влак палемдалтыныт. Нунын коклаште Галина Иванова-Ямаева, Евгений Коротаев, Иван Смирнов, Артём Асмаев, Игорь Актуганов да молат улыт. Ончерыште  премийым налше- влаклан возымо серыш-шамыч, костюмышт, нотышт, фотографийышт да шуко молат ончыкталтеш.