Йоча- влаклан У ий открыткым сӱретлаш темлат

Москосо Сеҥымаш тоштер Марий Эл гыч самырык сӱретче- влаклан У ий открыткым сӱретлаш темла. Коллекционный пайрем открыткын авторжо семын 7 гыч 17 ияш марте  ӱдыр-рвезе- влак лийын кертыт. Нуно 1945-ше ийысе у ий пайрем нерген шоналтен сӱретым ямдылышаш улыт. «Сеҥымаш ёлкым сӱретле» конкурс икымше фронтовой Сеҥымаш ёлкылан 75 ий теммылан пӧлеклалтеш. Самырык сӱретче- влак ту жапысе пайремлан ямдылалтме кумылым шижын моштышаш улыт. Пашаште еш архив гыч фотосӱретым  але шоҥыгеҥ- влакын каласкалымыштым кучылт кертыт. Шке сӱретыштым 10-шо ноябрь марте колтышаш улыт. А финалыш лекше- влакын лӱмышт декабрь тӱҥалтышыште пале лиеш.