Йошкар-Оласе СИЗО-н кум пашаеҥжым Россий ФСИН-ын футбол дене сборный командышкыже ӱжыныт

«Виктория» футбол клубышто яра жапыште модшо  Йошкар-Оласе следственный изоляторын вигак кум пашаеҥже Россий ФСИН-ын сборный командышкыже ӱжмашым налын. Пресс-службын увертарымыж почеш, нуно Лев Яшиным шарныме лӱмеш лӱдыкшыдымылык да правопорядке органын ветеранже- влакын командышт коклаште 19-ше турнирыште модын кертыт. Тудыжо Москваште шушаш арнян лийшаш. Тений таҥасымаш Москосо «Салют Гераклион» спорт комплексыште эрта. Тушко ушнаш Россий ФСИН-ын верласе органлаже гыч 15 сотрудникым ӱжмӧ. Тушечын кумытшо Марий Эл гыч улыт. Тиде подполковник Александр Камаев, майор Александр Иванов да капитан Дмитрий Фадеев улыт. Нуным тений шошым Моско областьыште мини-футбол дене ведомствын кубокшо верч модмаште шекланеныт.