Икымше декабрь марте налогым тӱлен шуктыман

Федерал налог службын Марий Элысе виктемже увертара: 2018-ше ийлан погылан налогым тӱлаш увертарымаш- влакым почто дене колтен пытарыме. «Личный кабинет» сервис дене пайдаланыше- влак ушештарымашым электрон йӧн дене налыт. Нунылан почто дене серышым огыт колто. Увертарымашым налме огыл гынат, налогым тӱлымӧ деч иктат ок утаралт. Налогым банк пӧлка, терминал, электрон сервис гочат тӱлаш лиеш. Тиде сомылым икымше декабрь марте ыштен шуктыман.
                 Йошкар-Олаште президентын приёмныйыштыжо эрла налог службын виктемжым вуйлатыше Лилия Гатина 14 гыч 16 шагат марте калыклан приёмым эртара. Тудлан налогообложений, налог законодательствым кучылтмо да моло йодышымат пуаш лиеш. Ведомство дене кылдалтше йодыш- влаклан раш умылтарымашым да темлымаш- влакым пуа.  Вашлийме вер: Йошкар-Оласе Успенский урем, 38-ше пӧрт, 107-ше пӧлем. Пелен документ лийшаш. Ончылгоч 45-40-31 номеран телефон дене возалташ лиеш.