«Ӱдырсий» марий моторлык конкурс
Йошкар-Олаште «Ӱдырсий» марий моторлык конкурс лиеш. Тудым ямдылыше- влакын мутышт почеш тиде конкурс марий калыкын тӱвыражым аралаш, вияҥдаш да шарен колташ полшышаш. Тушто шке моторлыкыштым да талантыштым 18 гыч 25 ияш марте ӱдыр- влак ончыктен кертыт. Нуно икмыняр тӱрлӧ заданийым шуктышаш улыт: визиткым, сӱан йӱлам ончыктышаш, сылне вургем дене коштшаш да интеллектуал таҥасымаште уш-акыл куатым тергышаш улыт. «Ӱдырсий» конкурс 31-ше октябрьыште 18 шагатлан Марий самырык театрыште почылтеш.
