Республикын бюджетше 25 миллиард теҥгем эртен

Марий Элысе финанс министерстве республикын консолидированный бюджештын икымше октябрьлан парыш ден роскотшо нерген увертарен. Консолидрованный бюджетын парышыже 25 миллиардат 117 миллион теҥгелан шукталтын. Налог окса да налогдымо парыш 14 миллиардат 500 утла миллион теҥге пурен. Кодшо ийысе дене таҥастарымаште тудо куд процентат пелылан ешаралтын. Пӧртылтымашым йоддымо парыш 10 миллиардат 600 миллион теҥге лийын. Тиде- дотаций, субсидий, субвенций да трансферт- влак. Республикын бюджетшын парышыжым 22 миллиард утла теҥгелан шуктымо. Налог да налог огыл окса 11 миллиардат 400 утла миллион лийын. Кодшо ийысе деч 7 утла процентлан шукырак. Йӧршешлан пуымо окса 10 миллиардат 600 миллион теҥге толын. Икымше октябрьлан шотлымаште консолидированный бюджетын роскотшо 24 миллиардат 500 утла миллион теҥге лийын. 24 наре процентше социал политикылан, 39 процентше туныктымо пашалан, 20 процентше калыкле экономикылан кучылталтын. Регионысо бюджетын роскотшо 21 миллиардат 400 утла миллион теҥгеш шуын. Муниципал образований- влаклан трансфертым 6 миллиардат 800 миллион теҥгем кусарыме.