Ынде ший оксамат шолып ышташ тӱҥалыныт
Йошкар-Олан ик банкыштыже 10 теҥгеаш кум кӱртньӧ шояк оксам верештме. МВД-н ончыктымыж почеш, полицийыш ик банкын еҥже- влак йодмаш дене лектыныт. Финанс тӧнежыш транспорт предприятий да автозаправке станцийла деч окса пурен. Экспертизе 10 теҥгеаш кум ший оксам ойырен налын. Нуно чынла огыт кой. Сӱретысе пӱркытын йол йымалныже печатный дворын клейможо уке, кайыкше раш огыл, окса тӱрыштыжӧ рифленийже уке. Уголовный пашам тарватыме.
