Йошкар-Ола гыч рвезе Россий кӱкшытан конкурсышто сеҥышыш лектын

           Йошкар-Ола гыч рвезе аллергик- влаклан ямдылыме проект дене Россий кӱкшытан конкурсышто сеҥышыш лектын. Александрова лӱмеш 11-ше лицейыште тунемше Максим Медведев «Мыйын элем- мыйын Россием» конкурсышто сеҥыше лийын. Конкурсын 14 гыч 17 ияш марте финалистше- влак кок кече жапыште онлайн-форматыште шке проектышт дене палдареныт. Аралымын лектышыже почеш 21 сеҥышым палемдыме. Нунын радамыш Максим Медведеват пурен. Тудо «Мыйын тазалыкем» номинацийыште ончыко лектын. Тудын проектше Йошкар-Ола кундемыште аллергик- влаклан йӧнан кумдыкым ыштыме дене кылдалтын. Тудын шонымыж почеш кажне кумдыкышто аллергийым лукдымо кок тӱжем утла кушкылым вераҥдыман. Нине зоным «Аллергия Стоп» проектыште вераҥдыме олан картышкыже пурталтыт. Ончыкыжым Йошкар-Олаште гына огыл, моло вереат олам ужартыме проект тыгай черан еҥ- влакым шотыш налын ямдылалташ тӱҥалеш манын ӱшаным каласен Максим. «Россия- страна возможностей» проектын поддрежатлымыже тидлан ӱшаным пуа. Конкурсын тиде тургымышкыжо Россий да моло элла гыч 91 тӱжем утла еҥ ушнен. Сеҥыше- влак пӧлек шотеш Приморский крайыш «Океан» йоча рӱдерыш каят.
          Фото: АНО "Россия-страна возможностей".

Прошлые выпуски