Сад-пакчазын кечыже

                   Йошкар-Оласе калыкым сад-пакчазын кечышкыже ӱжыт. Ик тылзе гыч, 26-шо сентябрьыште, Сеҥымашын 30-шо идалыкше лӱмеш тӱвыра полатыште поро йӱлаш савырныше мероприятий лиеш. Тушко чыла кумылан- влак миен кертыт. Программыште: саскам, емыжым, эмлык кушкылым, пеледышым, декоративный кушкылым, телылан ямдылыме йӧрварым ончыктымаш лийыт. Ончерын лектышыже почеш жюри «Фазенда мисс» да «Пакча мистер» лӱм- влакым пуа. Тиде кечынак пӱртӱс материал гыч ыштыме ӱзгарым аклыме конкурс лиеш. Тидлан нийым, саскам, киякым, лышташым, олымым кучылташ лиеш. Пакчазе- влак тыгак «Эко мода», «Пакча чучыл» таҥасымашке ушнен кертыт. Йодмашым 25-ше август гыч 20-шо сентябрь марте пуаш лиеш. Документым тӱвыра полатын 205-ше пӧлемыштыже налыт.

Прошлые выпуски