Уста писатель илыш дене чеверласыш…

               Таче редакцийышкына ойган увер пурен. Тӱвыра министерствын увертарымыж почеш, марий писатель, журналист, редактор, Марий Элын калык писательже Юрий Галютин-Ялзак теҥгече ӱмыр лугыч лийын. Тудо 82 ийыш тошкалын ыле. Юрий Галютин Морко районысо Усола ялыште 1940-ше ий, икымше майыште шочын. Марий пединститутым тунем пытарымеке, Марий Турек районысо «Знамя», вара «Марий коммуна» газетлаште, Марий книга савыктышыште, «Пачемыш» журналыште тыршен, «Марий Эл» газетыште тӱвыра да сылнымут пӧлкам вуйлатен, Ончыко» журналын сылнымут редакторжо лийын. Мемнан марий радиоланат «Пачемышын» оролгудыжо» лӱман ятыр передачым ямдылен. Юрий Иванович пырля пашам ыштыше, лудшыжо- влак шӱмыштӧ курымеш илаш тӱҥалеш.