Республикым вуйлатыше Куженер, Волжск да Козьмодемьянсклан оксам ойырен
Куженер районысо вӱдзаборышто аварийым кораҥдаш Марий Элым вуйлатыше резерв фонд гыч оксам ойырен. Пӱнчерйымал ялыште вӱдым ситарымаште аварий ситуацийым кораҥдаш кок миллионат 300 тӱжем теҥгем палемдыме. Вӱдым ситарыме объект- влакын чот тоштеммыштлан кӧра, нуным олмыкташ кӱлешанлан шотлымо огыд. Сандене «Куженерводоканал» предприятий Токтайбеляк селасе школын водозаборжо деч Пӱнчерйымал ял марте ик меҥгат пеле кужыт у вӱдпуч линийым пышташ тӱҥалеш. Тиде ялыште 53 еҥ ила. Нунын кокла гыч 7-ше йоча- влак улыт.
Кок миллионат 600 тӱжем теҥгем Волжск олам тӱзландараш ойырымо. Волжск олаш паша дене мийымыж деч вара Марий Элым вуйлатыше ече базе кундемыш пурышо кумдыкым тӱзландараш оксам колтен. Икымше сентябрьыште республикым вуйлатыше ечероллер трассым почмаште лийын ыле. Трассын кужытшо кеҥежым тӱжемат 600 метр, телым кок тӱжемат 500 метр кужытышто таҥасаш лиеш. Тиде кундемыште асфальтым шарыме, волгыдым пуртымо. Ече дене таҥасымаш республикыште базовый спортлан шотлалтеш. Тӱрлӧ жапыште ечызе- влак сеҥымашыш шуыныт да сай лектышым ончыктат.
Марий Элым вуйлатыше Козьмодемьянск олаште коммунал инфраструктуро объект- влакым умбакыже пужен ышташлан 750 тӱжем теҥгем колтен. Тиде шийвундо 60 процент деч шукырак шолдыргышо коммунал инфраструктуро объект- влакым пужен ышташлан проект да смете документацийым ямдылаш, моло изыскатель пашалан кайышаш. Решенийым Йошкар-Олаш Россий чоҥымаш министр Ирек Файзуллинын толын кайымыж деч вара лукмо. Тудо 60 процент утларак шолдыргышо коммунал инфраструктуро сетьым уэмдыме пилот проектыш республикын ушнымыжым сайлан шотлен. Тиде окса «60+» проектын кокымшо йыжыҥжым шыҥдараш кӱлеш. Проектын тичмаш акше- 400 миллион теҥге. Кокымшо йыжыҥым мучашлаш республикын правительствыже Российысе чоҥымаш министерстве деч 2022-шо ийыште 239 миллион теҥгем ойыраш йодмаш дене лектын.
Кок миллионат 600 тӱжем теҥгем Волжск олам тӱзландараш ойырымо. Волжск олаш паша дене мийымыж деч вара Марий Элым вуйлатыше ече базе кундемыш пурышо кумдыкым тӱзландараш оксам колтен. Икымше сентябрьыште республикым вуйлатыше ечероллер трассым почмаште лийын ыле. Трассын кужытшо кеҥежым тӱжемат 600 метр, телым кок тӱжемат 500 метр кужытышто таҥасаш лиеш. Тиде кундемыште асфальтым шарыме, волгыдым пуртымо. Ече дене таҥасымаш республикыште базовый спортлан шотлалтеш. Тӱрлӧ жапыште ечызе- влак сеҥымашыш шуыныт да сай лектышым ончыктат.
Марий Элым вуйлатыше Козьмодемьянск олаште коммунал инфраструктуро объект- влакым умбакыже пужен ышташлан 750 тӱжем теҥгем колтен. Тиде шийвундо 60 процент деч шукырак шолдыргышо коммунал инфраструктуро объект- влакым пужен ышташлан проект да смете документацийым ямдылаш, моло изыскатель пашалан кайышаш. Решенийым Йошкар-Олаш Россий чоҥымаш министр Ирек Файзуллинын толын кайымыж деч вара лукмо. Тудо 60 процент утларак шолдыргышо коммунал инфраструктуро сетьым уэмдыме пилот проектыш республикын ушнымыжым сайлан шотлен. Тиде окса «60+» проектын кокымшо йыжыҥжым шыҥдараш кӱлеш. Проектын тичмаш акше- 400 миллион теҥге. Кокымшо йыжыҥым мучашлаш республикын правительствыже Российысе чоҥымаш министерстве деч 2022-шо ийыште 239 миллион теҥгем ойыраш йодмаш дене лектын.