Эрла гыч республикыште чрезвычайный режим кораҥдалтеш

            Таче эрдене Марий Элым вуйлатыше Александр Евстифеев чодыра пожарын эҥгекшым кораҥдыме шотышто оперативный штабын заседанийжым эртарен. Эн ончыч теве мо рашемын: эрла гыч республикыште чодыра пожарлан кӧра пуртымо чрезвычайный режим кораҥдалтеш. Заседаний жапыште Правительстве председательын алмаштышыже Степан Воронцов палемден: таче штаб Шап ер деке лишкырак кусаралтеш. Тиде верыште Авиалесоохранын еҥже- влак, лесник да арендатор- шамыч пашам ышташ тӱҥалыт. Кызыт волонтёр-влакын полышышт ок кӱл. Ял- влаклан лӱдыкшӧ уке. Шикшештше кумдык кум гектарыш погына. Ситуацийым эскераш, оролаш тӱҥалына, тӱвыт йӧртымеш паша шуйна, - каласен республикым вуйлатыше.