Шинчымашым шарыше еҥым чапландарыме

             Морко районышто марий калыкым сотемдарыше Тихон Ефремовлан бюстым почыныт. Унчо селаште калык коклаште шинчымашым шарыше, «Марий калыкым волгыдыш ӱжмӧ муро» икымше марий гимнын авторжо Тихон Ефремовын бюстшым торжественно почмо. Унчо селаште тудо 1886-шо ийыште шочын. А 1871-ше ийыште селаште миссионер школ почылтын. Тихон тушто тунемаш тӱҥалын. Вара Озаҥысе учительский семинарийыште тунемын. Вара туныктышо да дьякон семын пашам ыштен, 1900-шӧ ий гыч Унчысо рӱдӧ черемис школым вуйлатыше да священник- миссионер лийын. Тихон Ефремович марий калыкын икымше гимнжым возышо семын палыме. Тыгак тудо Иван Палантай дене пырля «Чевер ӱжара» мурым возеныт. Тудым эше «Марий Марсельеза» маныт. Вара тудо репрессийыш логалын да 1938-ше ийыште лӱен пушташ пунчалыныт. Бюстым почмаште МарНИИ директорын алмаштышыже Людмила Григорьева да этнологий дене вӱдышӧ специалист Тамара Молотова лийыныт.
            МарНИИЯЛИ-н фотожо.