Йошкар-Олаште у олтымо тургымлан ямдылалтмаш кая

              Йошкар-Олаште у олтымо тургымлан ямдылалтмаш кая. Тидын нерген ола озанлыкым вияҥдыме шотышто комиссийын заседанийыштыже ола озанлык виктемым вуйлатыше Алексей Попов ойлен. Шокшо энергий дене пайдаланыше- влакын ямде улмыштым шокшым ситарыше организаций ден Ростехнадзорын Юл кундемысе виктемжын еҥже- влак эртарат. Кугу тӱткыш социал кӱлешан объект- влаклан да шуко пачеран пӧрт- влаклан ойыралтеш. Алексей Поповын мутшо почеш, ямде улмо шотышто паспортым налшаш зданий- влакын чотышт тӱжемат 885-ыш погына. Луымшо августлан шотлымаште 880 зданийым тергыме. Тушечын 362-шо технически ямде, 527 зданийлан замечанийым каласыме, 362 зданийым приниматлыме. Ямде улмо шотышто паспорт 130 зданийлан пуалтын. Виктемым вуйлатыше тидымат ешарен: кызыт Карл Маркс уремыште шокшо сетьым 300 метрыште вашталтат. Паша график почеш шукталтеш да икымше октябрьлан мучашлыме лиеш. 31-ше августлан шотлымаште социал инфраструктурын объектше- влак олтымо тургымлан 80 процентлан ямде улыт. Паша умбакыже шуйна.