Пашам ыштыше- влак коклаште Россий кӱкшытан 6-шо спартакиада лиеш
Пашам ыштыше- влак коклаште Россий кӱкшытан 6-шо спартакиада лиеш. Спартакиадын финал таҥасымашыже- влак 6-шо гыч 10-шо сентябрь марте Калуга олаште эртат. Таҥасымаш «Спорт- илышын нормыжо» федерал проектым шыҥдарыме кышкарыште эртаралтеш. Спортын лу тӱрлӧ видше дене предприятий, организаций, тӧнеж- влакын спортсменышт волейбол да мини-футбол, кирам нӧлтымаш, куштылго атлетике, ӱстембал теннис, кандырам шупшмаш, иймаш, шахмат, самбо, городок дене, спорт еш- влак коклаште ӱчашаш тӱҥалыт. Марий Элын чапшым «Марий машиностроитель заводын» да «Акашевский» сурт-кайык фабрикын пашаче коллективышт аралаш тӱҥалыт. «Спорт еш» программыште Советский да Куженер районла гыч еш- влак лийыт. Мемнан- влак мини-футбол, кира спорт, иймаш, куштылго атлетике, ӱстембал теннис дене да еш коклаште таҥасат.