Тӱвыра пӧртым олмыкташ 200 тӱжем теҥгем ойырымо
Тошто тӱвыра пӧртым 200 тӱжем теҥгелан олмыктат. Марий Турек районышто тошто тӱвыра пӧрт шинча ончылнак вашталтеш. Тымарте тудо шке тӱсшӧ дене кумылым волтен шоген. А ынде Тат-Китне ялысе тӱвыра пӧртым палашат ок лий. Тушто олмыктымо паша кая. Фойем штукатуритленыт, тувырашым, пырдыжым, омсам чиялтыме, окнам ачалат. Ончыч леведышат йӱр вӱдым колтен. Сандене пырдыж ден тувыраш пужленыт. Марий Турек район администрацийын ончыктымыж почеш проектын тичмаш акше 200 тӱжем теҥге утла лийын.