«Школ дене илыш мучко» ончер почылтеш

Республикысе тӱссымыктыш тоштерыште кумшо сентябрьыште 16 шагатлан «Школ дене илыш мучко» ончер почылтеш. Сӱрет мастарлыклан тунеммаш йоча жап гычак тӱҥалеш. Сӱретлыме школыш толмеке, йоча руш реалист школын грамотыжлан тунемеш. Йошкар-Оласе йоча- влаклан икымше номеран йоча художественный школышто мастар- влак дене тунемаш йӧнышт 1965-ше ийыште лектын. 2020-шо ийыште школ 55 ияш лӱмгечыжым палемден. Тунамак «Школ дене илыш мучко» ончерым ямдылаш шонымаш шочын. Молан манаш гын, школ жапыште налме шинчымаш уш-акылеш курымлан кодеш. Школым почмо годым тушко 25 йочам налме. Кызыт 11 гыч 17 ияш марте 144 ӱдыр-рвезе тунемеш. Тиде жапыште тӱжемат вичшӱдӧ еҥ тунем лектын. Нунылан 8 уста туныктышо шинчымашым пуа. Выставкыште изирак да кугурак класслаште тунемше-влакын пашашт ончыкталтеш. Нуным тӱрлӧ технике дене ыштыме. Туныктышо- влакын пашаштымат ужаш лиеш, тиде школым тунем пытарыше- влакынат сӱретышт ончыкталтеш.
           Туссымыктыш тоштерын фотожо.