Тӱссымыктыш тоштер фондын коллекцийже лӱмлӧ сӱретчын пашаже дене пойдаралтын

             Тӱссымыктыш тоштер фондын коллекцийже лӱмлӧ сӱретчын пашаже дене пойдаралтын. Российысе палыме сӱретче, Российысе художество академийын академикше, Российын калык сӱретчыже Евгений Ромашко тоштерлан вигак кок пашажым пӧлеклен. Тоштерын ик тӱҥ пашажлан фондым пойдарымаш шотлалтеш. Тушто кызыт 8 тӱжемат 400 аралыме единице шотлалтеш,- ойлат тоштерын пашаеҥже- влак. Евгений Ромашкон «Магия пленэра» ончерже калыкле сӱрет галерейыште икымше сентябрь марте пашам ышта. Экспозицийыште тӱрлӧ эл ден олан сӱретыштым ужаш лиеш. Автор Швецийыште, Францийыште, Москошто, Владивостокышто, Уржумышто, Переславль-Залесский олаште сӱретлен.
            Туссымыктыш тоштерын фотожо.