Каныш кечылаште 9-ше микрорайоныш да Медведевыш троллейбус дене каяш ок лий

             Эрла Йошкар-Олаште икмыняр троллейбус маршрутшым вашталта. Кок кече жапыште Ленин лӱмеш тӱвыра полат ончылсо оҥго дене чыла транспортлан кошташ чаралтеш. Тушто корным олмыктат. Корно шуматкечын вич шагат эрдене петыралтеш да шочмо эр марте петырыме лиеш. Тиде жаплан троллейбус- влак вес маршрут дене каят. Икымше номеран маршрут воказл деч Депо марте гына коштеш. Кокымшо номеран маршрут Пушкин урем гоч Вокзал марте кая, 9-ше микрорайон декыла ок мий, кудымшо номеран маршрут тыгак Йошкар-Армий урем гыч Первомайскийыш лектеш да Панфилов уремыш кая, 8-ше маршрутат Пушкин, Первомай, Панфилов, Вокзал маршрут дене кая. 11-ше маршрутат Ленин лӱмеш тӱвыра полат деке ок мий. Икманаш каныш кечылаште троллейбус- влак Ленин проспектыш огыт пуро, Ленин тӱвыра полат деке огыт тол, 9-ше микрорайоныш ик троллейбусат ок кай. Ленин лӱмеш тӱвыра полат ончылсо оҥго петырыме лиеш.

Прошлые выпуски