«Альтаир» Йошкар-Олам волгалтара
«Альтаир» светильник- влакым кучылтмылан кӧра, Йошкар-Ола энергийым утларак аныклен пайдалана. Марий машиностроитель заводын лукмо тиде лампе ӱшанле да энергийым аныклыше приборлан шотлалтеш. Эше 2019-ше ийыште рӱдӧ олаштына уремысе тулым уэмдаш тӱҥалме. Тиде жапыште вич тӱжем утла ртутьан тоштемше лампым у «Альтаир» дене вашталтыме. Тений нуным Вараксин кӱварыште, Советский уремыште вераҥдыме. Прожектор шотан светильник- влакым Шкетан театрым тӱжвач волгалтараш, рӱдӧ паркыште палыдыме салтак стелым, Йошкар-Оласе икымше ТЭЦ-ын кӱкшӧ пучышым сылнештарен волгалтараш кучылтмо. Тиддеч посна тудо школ стадионлаште, урем гоч йолешке- влакын вончымо верлаште вераҥдалтын.