Марий машиностроитель завод шкенжын 80 ияш лӱмгечыжым палемден

             А Марий машиностроитель завод шкенжын 80 ияш лӱмгечыжым палемден. Йошкар-Оласе але республикысе калык тиде завод дене мыняр- гынат кылдалтше улыт. Кӧ-гынат, кунам гынат тушто пашам ыштен. Заводын историйже 1939-ше ийын 11-ше июньышто тӱҥалын. Тунам СССР-ын правительствыже Йошкар-Олаште Москосо «Геодезий» заводын дублёржым «У геодезий» заводым чоҥаш пунчалым луктын. Тудо аэрофоторазведкылан оптик приборым лукшаш ыле. 1939-ше ийын ноябрьыште тудо «297-ше номеран Союзный завод» лӱмым налын. Кугу сар тӱҥалмеке «Кинап» оптико-механический заводын еҥышт ден оборудованийышт Одесса, Моско, Озаҥ гыч толыныт. 1941-ше ий 25-ше августышто нуно пашам ышташ тӱҥалыныт. Лач тиде кече заводын шочмо кечыжлан шотлалтеш.
               Фотом ММЗ-н сайтше гыч налме.