Александр Евстифеев тулын шарлыме верым вертолёт дене ончен савырнен
Александр Евстифеев тулын шарлыме чодыра кумдыкым вертолёт дене ончен савырнен. Оборона министерствын пуымо МИ-8 вертолёт дене тудо Медведево районысо чодыра кумдыкым ончен. Чоҥештыме деч ончыч тудо лётчик- влаклан тулым йӧртымаште тыршыме пашаштлан тауштен ойлен. Вара тудо юж гыч тулын кондымо энгекшым аклен да кучедалме пайдалыкым терген. Авиацийын полышыжо тулым йӧрташ йӧным ыштен. Йошкар-Ола йыр ужар оҥгым арален кодымо. А йӱлышӧ верлашке уэш пушеҥгым шындена, манын тудо. А кодшо тулым мучаш марте йӧрташ кӱлеш, мыланна эше полшыза, каласен тудо.
Таче тулым йӧртымаште 544 еҥ да 105 технике тырша. 27 гектарыште йӱлен шогышо чодырам йӧртымӧ. Уло кумдыкышто чарен шогалтыме. Но ылыж шогышо верлаште паша умбакыже шуйна. Кызыт вийым вич верыште вераҥдыме: Сосновый Бор посёлкышто, Студенка ялыште, Шап ден Щучье ерла да Чернушка эҥер воктене. Тергымаш кая, торфан верлашке вӱым оптат, куп тӱрлам куралыт. Йӱдым 309 еҥ да 77 технике пашам ыштен. Сутка мучко 800 еҥ ден 156 технике кучедалын.
Таче тулым йӧртымаште 544 еҥ да 105 технике тырша. 27 гектарыште йӱлен шогышо чодырам йӧртымӧ. Уло кумдыкышто чарен шогалтыме. Но ылыж шогышо верлаште паша умбакыже шуйна. Кызыт вийым вич верыште вераҥдыме: Сосновый Бор посёлкышто, Студенка ялыште, Шап ден Щучье ерла да Чернушка эҥер воктене. Тергымаш кая, торфан верлашке вӱым оптат, куп тӱрлам куралыт. Йӱдым 309 еҥ да 77 технике пашам ыштен. Сутка мучко 800 еҥ ден 156 технике кучедалын.