Александр Евстифеев: Ынде мемнан кокытеланымаш кодын огыл- тулшорым чарыме да йӧртымӧ лиеш
Теҥгече кастене Марий Элым вуйлатыше Александр Евстифеев Чуркан ер воктене тулым йӧртымӧ верыш миен. Тушто чодырам аралыме авиаций базын, федерал Авиалесоохранын резервыштыже улшо еҥже- влак, чодыра участкым арендоватлыше-шамыч дене мутланен. Нунат ӧрдыжеш кодын огытыл, сутка мучко дежуритлымашке ушнен, пӱртӱс поянлык министерствын еҥышт дене пырля тул ваштареш кучедалыт. Республикым вуйлатыше чылалан кугу полышыштлан тауштен ойлен. Шукыракат йомдарен кертына ыле. Тендан шот дене пашам виктарен колтымылан, авиацийын, доброволец- влакын полшымыштлан кӧра туллан умбакыже шарлаш пуымо огыл.
Оперативный штабыште Глава йоча- влакын сӱретыштым ончен. Нуно тачысе герой- пожарный- влакым сӱретленыт. Сӱрет- влакым кочкыш да медикамент дене пырля колтеныт. Пӱртӱс поянлык министр Алексей Киселёв сӱрет- влакым министерствын чодыра тоштерышкыже пуэна манын.
Теҥгечысе кечын лектышыжым иктешлышыла Александр Евстифеев палемден: лектыш куандарыше. Ынде мемнан кокытеланымаш кодын огыл- тулшорым чарыме да йӧртымӧ лиеш. Эскераш эше тӱҥалына. Йӱр йоген гынат, пашам умбакыже шуена. Тул уэш ылыж шарлышаш огыл. Икымше сентябрьлан тичмаш йӧртен шуктыман.
Республикым вуйлатыше тыгак Российын Президентше Владимир Путинын регион- влаклан чодырам аралаш ешартыш оксам ойыраш пунчалже нерген шонымашыжым каласен. Туллан кӧра эҥгекыш логалше кундем- влакын чодырам уэш шындаш пеш кугу проблемышт лектеш. Тиде паша вашке шукталтшаш. Юлтех чодырам уэш куштымаште вуз- влакын консорциумыштын авторжо улеш. Сандене вуз- влакым ушен, чодырам куштымо республикысе программым ыштена. А кучылтмо оксаже федерал рӱдер кӱшеш лийже манын Кучемым, федерал депутат-влакым, Федераций Советын еҥыштым ушена.- каласен Александр Евстифеев.
Оперативный штабыште Глава йоча- влакын сӱретыштым ончен. Нуно тачысе герой- пожарный- влакым сӱретленыт. Сӱрет- влакым кочкыш да медикамент дене пырля колтеныт. Пӱртӱс поянлык министр Алексей Киселёв сӱрет- влакым министерствын чодыра тоштерышкыже пуэна манын.
Теҥгечысе кечын лектышыжым иктешлышыла Александр Евстифеев палемден: лектыш куандарыше. Ынде мемнан кокытеланымаш кодын огыл- тулшорым чарыме да йӧртымӧ лиеш. Эскераш эше тӱҥалына. Йӱр йоген гынат, пашам умбакыже шуена. Тул уэш ылыж шарлышаш огыл. Икымше сентябрьлан тичмаш йӧртен шуктыман.
Республикым вуйлатыше тыгак Российын Президентше Владимир Путинын регион- влаклан чодырам аралаш ешартыш оксам ойыраш пунчалже нерген шонымашыжым каласен. Туллан кӧра эҥгекыш логалше кундем- влакын чодырам уэш шындаш пеш кугу проблемышт лектеш. Тиде паша вашке шукталтшаш. Юлтех чодырам уэш куштымаште вуз- влакын консорциумыштын авторжо улеш. Сандене вуз- влакым ушен, чодырам куштымо республикысе программым ыштена. А кучылтмо оксаже федерал рӱдер кӱшеш лийже манын Кучемым, федерал депутат-влакым, Федераций Советын еҥыштым ушена.- каласен Александр Евстифеев.