Марий Элыште калык переписьлан ямдылалтмаш кая

             Марий Элыште калык переписьлан ямдылалтмаш кая. Тудлан ямдылалтме да эртарен колтымо йодышлан Правительство пӧртыштӧ эртыше совещаний пӧлеклалтын. Ушештарена: калыкым шотлымаш 15-ше октябрь гыч 14-ше ноябрь марте эрта. Тӱҥ докладым Правительстве председательын икымше алмаштышыже Михаил Васютин ыштен. Тудо палемден: тиде событий дене кылдалтше йодышым ончаш ведомство- влак кокласе комиссийым ыштыме. Ямдылалтме шотышто йодыш уке, калыклан умылтарыме паша шукталтеш. Кажне еҥ Кугыжаныш полыш порталыште электрон шотлымо лышташ- влакым шке возен кертеш, МФЦ-ште интернет-переписьым эрташ лиеш. Тиддеч посна молгунамсе семынак посна тунемше еҥ- влак пӧрт да пачер еда кошташ тӱҥалыт, тиде гана нуно планшетым кучылтыт. Переписьыш ушныдымо еҥ- влак шотлымо участкыш миен кертыт. Участкын кушто улмыжо увер лышташлаште, Маристатын сайтыштыже, регион администрацийлаште, верысе смаоуправлений органлаште, СМИ-ште савыктыме лиеш.

Прошлые выпуски