Спорт-туризм министр ӱдырамаш баскетбол команде дене вашлийын

                  Марий Эл республикын спорт-туризм министрже ӱдырамаш баскетбол команде дене вашлийын. Лидия Батюкова «КЭС-БАСКЕТ» школ баскетбол лигын суперфиналыштыже Йошкар-Ола гыч республикын чапшым аралыше баскетболистке- влак дене вашлиймашым эрарен. Нуно эртыше баскетбол тургымын лектышыжым, ончыкылык планым, у тургымлан кумылым каҥашеныт. У тургым сентябрьыште тӱҥалеш. Министр ӱдыр- влакым пашаштлан, россий кӱкшытыштӧ сайын таҥасымыштлан тауштен, спорт объектлашке кошташ абонементым кучыктен. Чемпионатын тенийсе тургымыштыжо 15 муниципал округын командышт таҥасен. Республике кӱкшытыштӧ сеҥыше- влак округ кӱкшытыштӧ Ульяновскышто таҥасеныт. Тушто Йошкар-Олан командыже шӧртньӧ медальым сеҥен налын да супер финалыште Киров олаште модын. Нуно куд модмашым эртареныт. Таҥасымашын лектышыже почеш 16 команде коклаште 8-ше верыш лектыныт.
                 Спорт министерствын фотожо.