Сӧснан африкан чума черже кораҥеш?
Курык марий районышто сӧснан африкан чума черже дене кучедалмаш мучашыш лишемеш. Специалист- влак чер шарлыме верыште дезинфекцийым мучашлат. Ушештарена: районысо Красное селище ял деч кок меҥге тораште чер шарлыме верым рашемдыме. Вольык чер дене кучедалше станцийын специалистше- влак тергашлан лу пробым налыныт. Кызыт ветеринарий комитетыште лектышым вучат. Лабораторий тергымаште инфекцийын возбудительжым огыт му гын, лишыл жапыште карантиным кораҥдыме нерген республикым вуйлатыше документым пеҥгыдемдышаш.
Марий Элысе ветеринарий комитетын фотожо.
Марий Элысе ветеринарий комитетын фотожо.