Звенигово районым вуйлатыше- влак у тунемме ийлан да олтымо тургымлан ямде улмышт нерген увертареныт

                 Звенигово районым вуйлатыше- влак у тунемме ийлан да олтымо тургымлан ямде улмышт нерген увертареныт. Марий Элым вуйлатыше Александр Евстифеев Звенигово район администрацийым вуйлатыше Владимир Геронтьев дене пашаче вашлиймашым эртарен. Районым вуйлатыше чыла школ, йоча сад, ешартыш шинчымашым пуышо тӧнеж- влак у тунемме ийлан ямде улыт, тидын нерген акт ден паспорт- влак пеҥгыдемдыме улыт манын увертарен. Икымше сентябрь гыч тӱналтыш класслаште тунемше чыла йочам шокшо кочкыш дене пукшат. Тидлан миллионат 800 тӱжем утла теҥге оксам ойырымо. Шийвундым атышӧрым, оборудованийым налаш, пищеблоклам олмыкташ кучылтмо. Владимир Геронтьевын мутшо почеш у тунемме ийыште Суслонгер да Чакмарий школлаште естественно-научный да технологий корно дене «Точка роста» туныктымо рӱдер- влак шке пашаштым тӱҥалыт.
                Олтымо тургым нерген ойлымо годым, Владимир Геронтьев палемден: 30-шо август марте контракт почеш у тургымлан тичмаш шапаш мландышӱйым кондышаш улыт. Йоча сад- влаклан пеҥгыде топливым пӱтынек ситарыме. Республикым вуйлатыше Звенигово оласе канализацийын пашаже нерген йодын. Коллекторышто пеш кугу проблеме ыле. Тидлан 80 миллион теҥгем ойырымо. Районым вуйлатыше тиде полышлан кугу таум каласен, объект сайын пашам ышта манын. Кызыт эше ик кугу объектыште паша кая. 410 миллион теҥгелан очистной сооружений ышталтеш. Вашлиймашыште тыгак коммунал служба- влакын шыже-теле жапыште пашам кузе ыштымышт нерген йодышым ончымо. Район 15-ше сентябрь марте тӱрысынек олтымо тургымлан ямде лиеш манын палемдыме.