У ончер марий калыкын историйже дене палдара

                     Теҥгече Евсеев лӱмеш калыкле тоштерыште Георгий Тайгильдинын «Марий легендын геройжо- влак» живопись пашажын посна ончерже почылтын. Георгий Валерианович Российысе сӱретче- влак ушемын еҥже, Марий Элын сулло сӱретчыже. Пытартыш жапыште тудо шке усталык пашаштыже марий калыкын историйжым да марий фольклорым ончыкташ тырша. Радынаштыже Марий кундемын ойыртемалтше историй событийже- влакым ужаш лиеш. Выставкыште тыгак тоштерын фондшо гыч сар-курал- влакым ончыктымо. Ончер 30-шо сентябрь марте пашам ышта.
                    Т.Евсеев лумеш тоштерын фотожо.