Башкортостаныште марий йылмым келгын тунемме гимназийым почыт

              Башкортостаныште марий йылмым келгын тунемме гимназийым почыт. Мишкан марий селаште полилингвальный гимназийым почаш шонат. Тидын нерген районысо калык дене мутланымыж годым Башкортостаным вуйлатыше Радий Хабиров увертарен. Тиде школышто руш, марий да англичан йылме- влакым тунемаш тӱҥалыт. Республикын главаже тыгак селаште верланыше марий историй да тӱвыра рӱдерыш миен. Мылам эн тӱҥжӧ,- каласен тудо,- калык- влакын келшымашышт. А келшымаш- икте- весын йӱлажым тӱвыражым пагалымаш. Мутат уке, кӱлешан задаче- нуным арален кодаш йӧным ыштыман. Мишкан районышто уло кумылын историй да тӱвыра рӱдерым ончышым. Тудо але икымше. А мый чуваш, одо да моло калыкын рӱдерыштым ышташ сӧренам, чыла тидым ыштена,- каласен Радий Хабиров.
             Марий тӱвыра рӱдерын фотожо.