Куд гектар чодыраште шикш лектеш
Республикысе чодыраште йӱлымӧ деч вара шикшештше кумдык 6 гектар марте шагалемын. Чрезвычайный ситуаций режим умбакыже шуйна. Виш йӱлышӧ вер- влак уке. Кокшайкск корным транспортлан почмо. Тӱҥ вий кызыт кум верышке эскераш да шикшештше верым йӧртымашке виктаралтын. Тиде Сосновый Бор посёлко, Студенка ял да Шап ер кундем. Торфан- верлашке вӱдым оптат, йӱлымо вер- влакын чекыштым эскерат. Йӱдым 89 еҥ да 51 технике пашам ыштен. Пашаште МЧС-ын, Авиалесоохранын, ракет дивизийын, Росгвардийын. Пӱртӱс поянлык министерствын еҥышт тыршат. Республикым вуйлатыше республикысе калыклан, Киров областьын пожарныйже- влалкан, лётчик-шамычлан кугу таум каласен. Тидымат ешарен: тиде кечылаштак чодырам шындыме йодышым виктараш тӱҥалына.