Таче республикым вуйлатыше чодырашке толшо 200 доброволец дене вашлийын
Таче республикым вуйлатыше чодырашке толшо 200 доброволец дене вашлийын. Тиде УФСИН-ын, Росгвардийын, МЧС-ын, пожар охранын, чодыра ведомствын еҥже- влак улыт. Александр Евстифеев нунылан таум калалсен да тӱткӧ лияш, икте- весым эскераш, эмганыде, жапыштыже мӧҥгӧ пӧртыл шуаш йодын. Кызыт торфяник- влак шикшештыт. Сандене тӱҥжӧ- тул шарлыме чекыште лийман да умбакыже шарлаш пуыман огыл. Кугу тул ылыжме верым шекланеда гын, геройланаш ок кӱл, участке вуйлатышылан увертараш кӱлеш манын. Пеле йӱлышӧ пушеҥге дечат шекланыман, нуно сӱмырлен кертыт. Кукшо пёкым налын, волонтёр- влак паша верлашке шаланеныт, нунылан кечывал кочкышым ямдылат,- увертара пресс-служба.