Тӱвыра да сымыктыш аланыште тыршыше туныктыш пашаеҥ- влакын августысо конференцийышт эртен

                 Тӱвыра да сымыктыш аланыште тыршыше туныктыш пашаеҥ- влакын августысо конференцийышт эртен. Тудо Марий Кугыжаныш филармонийыште лийын. Форумышто эртыше тунемме идалыкын лектышыжым иктешлыме, тӱвыра да сымыктыш аланыште туныктымо пашаште шогышо задаче- влакым каҥашыме, ончыкылан тӱҥ корно- влакым рашемдыме.
                 Правительстве вуйлатышын икымше алмаштышыже Михаил Васютин палемден: йоча сымыктыш школ- влаклан кугу тӱткыш ойыралтеш, семӱзгар- влак налалтыт, зданий-влак олмыкталтыт, материально- технический ужаш уэмдалтеш.
                 Тӱвыра министр Константин Иванов шке докладыштыже туныктымо кластерым ыштыме нерген ойлен. «Тӱвыра» калыкле проектым шыҥдарыме дене республике Российысе кундем- влак коклаште ончылно кая манын палемден. Поро йӱла семын конференцийыште «Талукын преподавательже- 2021» конкурсышто сеҥыше- влакым саламленыт.