Республикым вияҥдаш тений ик миллиард утла теҥге окса колталтеш
Республикым социально-экономически вияҥдаш тений индивидуал программым шыҥдарыме кашкарыште ик миллиард утла теҥге оксам колтымо лиеш. Тидын нерген Марий Элым вуйлатыше Александр Евстифеевын эртарыме Правительстве коллегийын заседанийыштыже ойлымо. Правительстве председательын икымше алмаштышыже Александр Сальников республикым социал-экономик велым вияҥдыме индивидуал программын пунктшо- влакым кузе шуктымо нерген увертарен. Тудын мутшо почеш, 30-шо августлан 628 миллион теҥгем ойырымо але 2021-ше ийын лимитше деч 62 утла процентым. Программын ик корныжлан ял озанлык сатум ыштен лукшо- влаклан да агропромышленный комплексым вияҥдаш полшымаш шотлалтеш. Тенийлан 151 миллион теҥге субсидийым пуаш организаций- влакым ойырен налме. Промышленный производствым кугемдашлан промышленностьым вияҥдыме фондлан 101 миллион теҥгем пуымо, инвестиций проект- влакым шыҥдараш вич предприятийлан льготан займым 78 миллион теҥгем ойырымо. Программыште тыгак транспорт инфраструктурым вияҥдаш тӱткыш ойыралтеш. Илыме вер да коммунал озанлык инфраструктурым вияҥдыме мероприятий кышкарыштат паша шукталтеш. Йошкар-Олаште инженер инфраструктурым чоҥымо пашам ноябрьлан мучашлыме лиеш. Тиддеч посна регионысо проект- влак шыҥдаралтыт. Кызыт 46 проект дене паша шукталтеш. 2022-2023-шо ийлан контракт- влак ышталтыт. Регионысо проект кышкарыште тений 21 объектым чоҥен шукташ палемдыме. Тымарте 12-ым ыштен шуктымо Идалык мучаш марте эше 9 объект ямде лийшаш. Регионысо проектлам да индивидуал программым тений икымше декабрь марте ыштен шукташ палемдыме. Икмыняр объектым республикым вуйлатыше шке ончен лекташ сӧрен. Эше икмынярыжым Россий чоҥымаш министерствын делегацийже терга.